20 От ыйа 20.07
  • 17°
  • $ 88,02
  • 96,04

Кэбээйигэ “Ворошилов” бааһынай хаһаайыстыба кыстыгы этэҥҥэ туораата

15:25, 29 марта 2016
Текст:
Читайте нас на
Яндекс Новости
ЯДВ

Кэбээйи улууһугар биир бигэ туруктаах, бас-көс үлэлээх тирэх хаһаайыстыбанан «Ворошилов» бааһынай хаһаайыстыба буолар. Суруналыыс Туйаара Кокорева кинилэргэ ыалдьыттаата.


«Кэбээйи» сопхуос ыһыллыбытын кэннэ, 1997 сыллаахха кэргэннии Аксинья, Егор Левиннар аймахтарын кытта кыттыһан Ворошилов учаастакка «Ворошилов» диэн бааһынай хаһаайыстыба тэриммиттэрэ. Манна гаас киириэҕиттэн хаһаайыстыба элбэх тутуу ыытан, үлэһиттэрин олохтоон, материальнай-техническэй базатын оҥостубута. Салайааччы Аксинья Левина кэпсииринэн, быйылгы кыстыгы 400-чэкэ ынах сүөһү, ол иһигэр 150 ыанар ынах этэҥҥэ туораан эрэр.

2014 сыллаахха «Дьиэ кэргэн сүөһү иитэр ферматын сайыннарыы» федеральнай бырагырааманан 6 мөл.солк. суумалаах граҥҥа тиксэн, 100 миэстэлээх толору механизациялаах комплекс хотон тутуутун саҕалаабыта. Комплекс тутуута бүтэн, гааһа киллэриллэн үлэлииргэ бэлэм турар.

«Быйылгы сылга СӨ Тыатын хаһаайыстыбатын министиэристибэтинэн «финансовай чэбдигирдии» бырагырааматыгар хапсан, 4 мөл. 400 тыһ. солк. ылан, үлэһиттэр хамнастарын үрдэтиигэ, уматык, сүөһүгэ эбии аһылык атыылаһыытыгар, коммунальнай өҥөнү аахсыыга улаханнык туһанныбыт», — диэн кэпсиир салайааччы.

Хаһаайыстыба 13 үлэһиттээх. Тэрийээччинэн, наставнигынан Айталина Захарова, Марианна Лугинова таһаарыылаахтык үлэлииллэр. Левиннэр оҕолоро бары туруу үлэһиттэр. Улахан уоллара Андрей «Кэбээйи» кооператив салайааччыта, кыра уоллара Егор сылгы хаһаайыстыбатын тэриммитэ. Отторун бииргэ оттоон, сүөһүлэрин бииргэ тутан, бэйэ-бэйэлэрин өйөнсөллөр. Атын да оҕолор төрөөбүт нэһилиэктэриттэн тэйбэккэ, хаһаайыстыба үлэтигэр күн бүгүҥҥэ диэри күүс-көмө буола сылдьаллар.

«Ворошилов» бааһынай хаһаайыстыба өссө биир хотон тутуутугар ылсар соруктаах. Хаһаайыстыба базатыгар агрокластер тэриллээри турар.

Следите за самым важным и интересным в Telegram-канале и WhatsApp-группе ЯСИА