21 Муус устар 21.04
  • $ 93,44
  • 99,58

Казахстааҥҥа Саха сирин күннэрэ буолуохтара

17:01, 22 марта
Текст:
Хаартыска: Саха НКИХ
Читайте нас на
Яндекс Новости
ЯДВ

Быйыл Казахстааҥҥа муус устар иккис аҥаарыттан Саха сирин экономикатын, атыытын-эргиэнин, инвестициятын, култууратын уонна туризмын сайдыытын көрдөрүөхтэрэ.

Санатарбыт курдук, Ил Дархан Айсен Николаев Казахстаан бэрэсидьиэнин Касым-Жомарт Токаевтыын 2023 сыл тохсунньутугар Астанааҕа көрсүбүтэ. Көрсүһүү кэмигэр өрөспүүбүлүкэлэр икки ардыларыгар ыытыллыахтаах үлэ сыалын-соругун, хайысхатын дьүүллэспиттэрэ, ону тэҥэ Казахстааҥҥа Саха сирин күннэрин тэрийэри былааннаабыттара.

Бу күннэр чэрчилэринэн сахалыы киинэлэри көрдөрүөхтэрэ, Олоҥхо тыйаатырын испиктээктэрин туруоруохтара, «Виртуозы Якутии» ансаамбыл кэнсиэрин оҥоруохтара.

Астанааҕа «Сделано в Якутии» хампаанньа оҥорор бородууксуйатын дьон биһирэбилигэр таһаарыахтара.

Казахстаан Национальнай түмэлигэр «Сокровища Якутии» норуодунай прикладной искуустуба уонна култуура быыстапкатын тэрийиэхтэрэ.

Спорт бырагырааматыгар мас тардыһыыга Казахстаан чөмпүйэнээтин уонна семинарын ыытыахтара, ону тэҥэ Саха сирин уонна Казахстаан хамаандалара көҥүл тустууга уонна мас тардыһыыга күрэхтэһиэхтэрэ.

Петропавловскайга М.К.Аммосов аатынан «Пламенный Максим» диэн быыстапка тэрийиэхтэрэ.

Казахстаан Хоту уобалаһын акиматын уонна СӨ бырабыыталыстыбатын икки ардыларынааҕы меморандума олоххо киирэригэр аналлаах тэрээһиннэр былааннара баттанара көрүллэр.

Алматыыга төрүт тыл литэрэтиирэтин сайдыытыгар аналлаах боппуруостары ырытар норуоттар икки ардыларынааҕы төгүрүк остуолун ыытыахтара, Казахстаан, Кыргызстаан, Саха сирин норуоттарын эпостарын толорооччулар көрүсүһүүлэрин тэрийиэхтэрэ.

Следите за самым важным и интересным в Telegram-канале и WhatsApp-группе ЯСИА