15 От ыйа 15.07
  • 18°
  • $ 87,74
  • 95,76

Көҥүл тустууга тренер Дмитрий Коркин төрөөбүтэ 95 сылын Саха сирэ бэлиэтиэҕэ

12:01, 01 марта 2023
Текст:
Фото: пресс-служба главы и правительства Якутии
Читайте нас на
Яндекс Новости
ЯДВ

Саха сиригэр балаҕан ыйыгар култуурунай, спортивнай уонна үөрэтии тэрээһиннэрэ көҥүл тустууга үтүөлээх тренер Дмитрий Коркин төрөөбүтэ 95 сылыгар анаан ыытыллыахтара.

Бырааһынньыкка бэлэмнэнии мунньаҕын өрөспүүбүлүкэ бырабыыталыстыбатын бэрэссэдээтэлэ Андрей Тарасенко дьаһайан ыытта, суруйар регион салалтатын пресс-сулууспата.

Барыта Дьокуускайга уонна Чурапчыга 20-тэн тахса дьаһал ыытыллыаҕа. Дмитрий Коркин сырдык аатыгар көҥүл тустууга күрэхтэһии, манна 15 дойду спортсменнара кытталлара былааннанар. Эдэр тустууктарга турнир, тустуу сайдыытыгар научнай-практическай конференция, оскуолаларга уруоктар, куонкурустар ыытыллыахтара.

Чурапчыга суол өрөмүөннэниэҕэ, эбийиэктэр тупсарыллыахтара. Быйылгыттан улуу тренер олоҕун, үлэтин туһунан киинэ устуута саҕаланыаҕа, «Развитие культуры в Якутии» бырагырааманан 5 мөл солк суумалаах грант бэриллэр.

Андрей Тарасенко орто анал үөрэх кыһаларыгар спортивнай ситиһиилэрдээх, үөрэхтэригэр үрдүк көрдөрүүлээх студеннарга стипендия аныыр туһунан боппуруоһу көрөргө сорудах биэрдэ. Кини Россияҕа педагог уонна наставник сылыгар легендарнай тренер историятын уонна уопутун эдэр көлүөнэҕэ киэҥник тарҕатар наадатын бэлиэтээтэ.

Следите за самым важным и интересным в Telegram-канале и WhatsApp-группе ЯСИА