22 От ыйа 22.07
  • 23°
  • $ 88,02
  • 96,04

Көҥүл тустууга Россия турнира Мииринэйгэ аан бастакытын буолуоҕа

14:01, 23 марта 2023
Текст:
Фото0 Анастасия Филиппова, ЯСИА
Читайте нас на
Яндекс Новости
ЯДВ

Саха сирин уонна дойду регионнарын сүрүн тустууктара АЛРОСА бирииһигэр көҥүл тустууга Россия турнирыгар түмсүөхтэрэ. Күрэхтэһии Мииринэйгэ муус устар 7 — 9 күннэригэр буолуоҕа. Бириис пуондата 2,4 мөл солк.

Маннык киэҥ ыҥырыылаах турниры алмаастаах куорат аан бастакытын ыытар. Күрэхтэһии ССРС спордун маастара, Олимпийскай оонньууларга үрүҥ көмүс призер, аан дойду Кубогын призера, ССРС уонна Европа чемпионаттарын призердара Александр Ивановка ананар. Киирсиилэр «Кимберлит» спорт дыбарыаһыгар ыытыллыахтара.

АЛРОСА генеральнай директорын солбуйааччыта Алексей Дьячковскай эппитинэн, Александр Иванов Монреаллааҕы Олимпийскай оонньуулар үрүҥ көмүс призердара, ити 1976 сыллаахха. «1970 сыллар ортолоро Саха сиригэр эпохальнай кэм, оччолорго көҥүл тустууга икки олимпийскай чемпион уонна биир үрүҥ көмүс призер тэҥинэн баар буолбуттара. Биһиги бары өрөспүүбүлүкэҕэ өссө саҥа олимпийскай чемпионнар баар буолалларыгар эрэнэбит. Биһиги оҕолорбутуттан улахан спортсменнар, Олимпийскай оонньуулар кыайыылаахтара баар буолалларыгар баҕарабыт, АЛРОСА спорт сайдыытыгар элбэх кылааты киллэрэр», — диэтэ кини.

Турнир кэмигэр тустууктар Россия спордун маастарын нуорматын толорор кыахтаахтар. Хас ыйааһын аайы харчынан бириис ылыахтара: 100 000, 50 000 уонна 30 000 солк.

Турнирга кыттыыга сайаапкалары кулун тутар 27 күнүттэн ksk@alrosa.ru почтаҕа ыытаҕыт.

Следите за самым важным и интересным в Telegram-канале и WhatsApp-группе ЯСИА