7 Алтынньы 07.10
  • -4°
  • $ 60,25
  • 58,24

Өймөкөөҥҥө туризм киинин тэрийиэхтэрэ

17:01, 15 декабря 2020
Текст:

Өймөкөөҥҥө Уһук Илини сайыннарыы бырагырааматын чэрчитинэн туристскай кластер тэрийэр сорук турар. Бу туһунан ТАССка Саха сирин туризмы сайыннарыы агентствотын генеральнай дириэктэрэ Наталья Тюкавкина кэпсээтэ.


Кластеры Өймөкөөҥҥө, Томторго, Уус-Ньара нэһилиэктэригэр кииннээн тэрийиэхтэрэ. Манна Чысхаан саарыстыбатын тутуохтара, дьон интэриэһинэн араас сааратар тэрээһиннэри: тымныыга экстремальнай турдары, альпинизмы, өрүстэринэн, үрэхтэринэн устууну, хайыһар спордун, сатыы, атынан айаны, бултааһыны, балыктааһыны тэрийиэхтэрэ. Маны таһынан, ирбэт тоҥҥо, тымныыга сыһыаннаах араас научнай, дьыалабыай тэрээһиннэри ыытар буолуохтара.

«Өймөкөөн сирэ-уота – үрдүк хайалара, булуустара, ыраас өрүстэрэ, кыһыннары тоҥмот үрэхтэрэ, кыылынан-сүөлүнэн баай ойуурдара хайа баҕарар турист болҕомтотун тардар кыахтаах», — диир Өймөкөөн улууһун култуура управлениетын салаайааччы Аксинья Сивцева.

Манна аатырбыт Лабыҥкыр күөлэ, Чуумпу уонна Хотугу муустаах акыйааҥҥа түһэр Дүлкү үрэх, Киһилээх хайалара бааллар.

2019 сыллаахха Өймөкөөҥҥө тыһыынчаттан тахса турист сылдьыбыт, итинтэн аҥара тас дойду дьоно. 15 сыл иһигэр Өймөкөөҥҥө уопсайа 73  дойду дьоно сылдьыбыт.

Кластер бырайыгын күрэх түмүгүнэн Asadov архитектурнай бюро кыайбыт. Кини Knight Frank консалтинговай тэрилтэни, RussiaDiscovery туристическай уонна Саха сирин «ЛСТК-Проект» архитектурнай хампаанньаларын кытары үлэлиэ.

Бырайыакка быһа холоон 1,5 млрд солкуобай үп ороскуоттанара былааннанар.

Сиһилии манна көр https://ysia.ru/v-ojmyakone-samoj-holodnoj-tochke-rossii-planiruyut-sozdat-mezhdunarodnyj-tsentr-turizma/

Следите за самым важным и интересным в Telegram-канале и WhatsApp-группе ЯСИА
0
0