19 Кулун тутар 19.03
  • -10°
  • $ 91,98
  • 100,24

Өймөкөөҥҥө буолар Олоҥхо ыһыаҕын бырагырааматыгар 80-тан тахса тэрээһин киирдэ

11:28, 01 июня 2023
Текст:
Читайте нас на
Яндекс Новости
ЯДВ

80-тан тахса тэрээһин Өймөкөөҥҥө от ыйын 1 — 2 күннэригэр буолар Олоҥхо ыһыаҕын бырагырааматыгар киирдэ. Ол туһунан ыам ыйын 31 күнүгэр култуура министиэристибэтигэр буолбут мунньахха этилиннэ.

Ыһыах арыллыытыгар уонна сабыллыытыгар 100 киһи кыттыаҕа. Кинилэр ортолоругар Олоҥхо театрын, Саха академическай театр, Эдэр көлүөнэ театрын, С.А. Зверев-Кыыл Уола аатынан Национальнай үҥкүү театрын артыыстара, «Эрэл» народнай ансаамбыл уонна «Гулун» хотугу норуоттар ансаамбыллара кытталлар.

Кыттыыны ылаллар Өймөкөөн оройуонун 200 оҕото, кинилэри сэргэ 400 тэрилтэлэр үлэһиттэрэ уонна уопсастыбаннай хамсааһыннар бэрэстэбиитэллэрэ. Тааттаттан алта, Уус Алдантан, Амматтан, Мэҥэ Хаҥаластан биэстии волонтер кыттар, кинилэр ортолоругар худуоһунньук-киэргэтээччи, балетмейстердар, тыас-уус оператордара, култуура кииннэрин режиссёрдара, фольклор исписэлиистэрэ, театр көрдөрүүтүн туруорааччылар бааллар.

Сүрүн режиссер — Россия искусствотын үтүөлээх деятелэ, А.Е. Кулаковскай аатынан судаарыстыбаннай бириэмийэ лауреата Андрей Борисов. Көмөлөһөөччүтэ – театр уонна киинэ актера Павел Колесов, сүрүн сценарист – культура туйгуна, радио уонна телевидение туйгуна, «Олонхо театра» тэрилтэ литературнай-драматическай чааһын салайааччыта Майя Власьева.

Сиһилии https://ysia.ru/bolee-80-meropriyatij-voshli-v-programmu-prazdnovaniya-ysyaha-olonho-2023/

Ааптар: Елена Потоцкая

Следите за самым важным и интересным в Telegram-канале и WhatsApp-группе ЯСИА