21 От ыйа 21.07
  • 16°
  • $ 88,02
  • 96,04

Исидор Барахов аатынан култуура киинин Үөһээ Бүлүү Харбалааҕар тутуохтара

15:33, 18 января 2023
Текст:
Читайте нас на
Яндекс Новости
ЯДВ

Исидор Бараахап аатынан култуура киинин Үөһээ Бүлүү улууһун Харбалааҕар тутуохтара, СИА-ҕа өрөспүүбүлүкэ тутууну кэтээн көрөр управлениета иһитиннэрдэ.

«Бырайыак быһыытынан икки этээстээх, 2031,74 кв м уопсай иэннээх эбийиэк тутуллар. Манна судаарыстыбаннас музейа баар буолар. Тэрилтэ Саха АССР төрүттээбиттэртэн биирдэстэрэ Исидор Никифорович Барахов аата иҥэриллибит», — диэтэ тэрилтэ салайааччытын солбуйааччыта Павел Корнилов.

Саҥа тутуллан киирэр эбийиэккэ музейы сэргэ библиотека, кинотеатр уонна 150 миэстэлээх актовай саала баар буолар. Бастакы этээскэ экспозиционнай уонна быыстапка саалалара, музей хранилищета, административнай кабинеттар, иккискэ – библиотека, кинигэ хранилищета, актовай саала, артистар, көстүүм хосторо, куруһуоктар уонна айар түмсүүлэр кабинеттара, подсобнай сир бааллар.

«Тутуу бүтэр болдьоҕо — 2023 сыл ахсынньы ый», — диэтэ Корнилов.

Судаарыстыбаннас музейын эргэ дьиэтэ саахалланар туруктанан 2019 сылга сабыллыбыта. Экспозиция сорох чааһа Бараахап олорбут дьиэтигэр уонна Николай Якутскай музейыгар харалла сыталлар.

Следите за самым важным и интересным в Telegram-канале и WhatsApp-группе ЯСИА