Мунньахха өрөспүүбүлүкэҕэ оттукка киирии бэлэмин, таһаҕас тиэйии хаамыытын, тутуу үлэтин түмүгүн, итиэннэ национальнай бырайыактар олоххо киириилэрин көрдүлэр.
Итиэннэ Ил Дархан «Энергосбережение и повышение энергетической эффективности в РФ» диэн судаарыстыбыннай бырагыраамаҕа болҕомтону уурда. Бырагыраама сүрүн сыала-соруга — дойду экэниэмикэтин 2035 сылга диэри 35% үрдэтии буолар.
Министиэристибэлэргэ өрөспүүбүлүкэ федеральнай суолталаах бырагыраамаларга кыттыытыгар сибээстээх боппуруостары көрөргө сорудахтаатылар. Манна суол тутуута уонна саҥардан оҥоруу, туристарга модульнай гостиницалары тутуу киирэллэр.
Ону таһынан, мунньахха Дьокуускайга тутуллуохтаах сайыҥҥы училище сирин быһаарарга уонна куорат дьаһалтатын кытары «Звезднай» микро-оройуоҥҥа киирэр суоллар хапытаанай өрөмүөннэрин боппуруостарын быһаарарга сорудахтаатылар.
Саха сирэ
