Айсен Николаев быһа эфир кэмигэр Саха сиригэр саҥа хааччахтааһыннар суохтарын эттэ. Ити эрээри Саҥа дьыллааҕы бырааһынньыктар кэмнэригэр анал миэрэлэр баалларын иһитиннэрдэ, СИА суруйар.
Өрөспүүбүлүкэ баһылыга Саҥа дьыллааҕы тэрээһиннэр саҕаламмыттарынан анал хааччахтааһыннар киирбиттэрин эттэ. Бастатан туран, улуустарга уонна куораттарга бырааһынньыктар онлайн киэбинэн ыытыллыахтаахтар. Иккиһинэн, элбэх киһи мустар сааратар тэрээһиннэр бобуулаахтар.
«Кэтээн көрөр уоргаттар өттүлэриттэн аһылык тэрилтэлэригэр бобууну киллэрэр туһунан элбэх этии киирдэ. Бу, мин санаабар, сөбө суох. Кинилэргэ бырааһынньык кэмигэр үлэлииллэрин көҥүллүөхтээхпит. Ити эрээри сүүһүнэн киһини мунньуо суохтаахтар. Билигин хааччахтааһын 15 киһинэн быһыллан турар, бу Саҥа дьыллааҕы корпоративтарга хаалыаҕа», — диэтэ Айсен Николаев.
Ил Дархан эбэн эппитинэн, оскуолаларга унна дьыссааттарга бырааһынньык ыытыы көҥүл. Усулуобуйата биир — кылаас бэйэтэ туспа ыытар, төрөппүтэ суох, бары санитарнай-эпидемияны утары миэрэлэри тутуһан туран.
