Саха сирин баһылыга Айсен Николаев РФ наукаҕа уонна үрдүк үөрэххэ миниистирэ Валерий Фальковтуун көрүстэ. Ол туһунан кини телеграм-ханаалыгар суруйда.
Николаев эппитинэн, өрүттэр Дьокуускай куорат 68 кыбаарталыгар өрөспүүбүлүкэтээҕи үрдүк үөрэхтэр кампустарын тэрийии туһунан бырайыагы көрдүлэр. «Бу киэҥ инфраструктурнай бырайыак өрөспрүүбүлүкэ сүрүн үөрдүк үөрэҕин кыһаларын холбуохтаах, үрдүк технологичнай научнай-үөрэх эйгэтин тэрийиигэ. Манна Уһук Илин уонна Россия хотугу эргимтэтин сайдыыларыгар инники күөҥҥэ тутуллар хайысхаларга профессионаллары хаачыстыбалаах үөрэҕинэн хааччыйыллыахтаах», —диэн суруйда Николаев.
Маны сэргэ, регион баһылыга биэдэмистибэ салайааччытын кытта килиимэт уонна ирбэт тоҥ боппуруостарыгар буолбут научнай кэмпириэнсийэ түмүктэрин, «Север» НОЦ инники сайдыытын дьүүллэстилэр.
