21 От ыйа 21.07
  • 25°
  • $ 88,02
  • 96,04

Ил Дархан "Эр санааланыы" уордьанын геройдуу олохтон туораабыт буойун ийэтигэр туттарда

11:01, 13 января 2023
Текст:
Читайте нас на
Яндекс Новости
ЯДВ

Саха сирин Ил Дархана Айсен Николаев анал байыаннай дьаһал толоонугар олоҕун толук уурбут, геройдуу охтубут Ярослав Греков ийэтигэр Жанна Валентиновна Грековаҕа «Эр санааланыы» уордьанын туттарда.

«Жанна Валентиновна уола Ярослав анал байыаннай дьаһал зонатыгар геройдуу олоҕун толук уурда. Кини ийэтигэр бүгүн мин «Эр санааланыы» уордьанын туттардым. Ярослав бойобуой соруктары толорууга хорсун быһыытын, эр санаалааҕын бэлиэтиибит», — телеграм-ханаалыгар Айсен Николаев суруйда.

Жанна Грекова улахан уолун сүтэрэн баран, атын бэйэтин курдук иэдээҥҥэ түбэспит ийэлэргэ көмө буолар күүстээх санаалаах. Ол курдук уйулҕа киинигэр анал байыаннай дьаһалга оҕолорун, чугас дьоннорун сүтэрбит дьиэ кэргэттэргэ көмөлөһөр.

«Кини тулуурдаах санаатынан киэн туттабыт. Жанна Валентиновна психолог быһыытынан иэдээни кытта соҕотох хаалар куһаҕанын билэр. Оттон киһи бэйэтин аһыытыгар соҕотох буолбатаҕын биллэҕинэ, чэпчиир. Геройдары бостуктаан, иитэн таһаарбыт ийэлэргэ барыгытыгар хоолдьуктаах бэйэм хоҥкуйабын. Ярослав Греков 2017 сылтан РФ сэбилэниилээх күүстэригэр хантараагынан сулууспалыыр. Анал дьаһаллаах 14-с биригээдэ разведчигынан сылдьыбыта. Жанна Грекова кэпсээбитинэн, уола кыра сааһыттан байыаннай буолар баҕалааҕа, анал байыаннай дьаһал бастакы күнүттэн кыттыыны ылбыта. Ааспыт сыл атырдьах ыйыгар олохтон туораабыта.

Следите за самым важным и интересным в Telegram-канале и WhatsApp-группе ЯСИА