Ыраас хааннаах аттарга Ил Дархан бирииһигэр сүүрүү бэс ыйын 26 күнүгэр Дьокуускайга ыытылынна, Үс Хатыҥ ипподромугар. Саха сирин баһылыга Айсен Николаев ат спордун таптааччылары өр күүппүт бырааһынньыктарынан эҕэрдэлээтэ.
«Биһиги өрөспүүбүлүкэ ат сүүрдүүтүнэн дьарыктанар сылгыһыттарын өрүү өйүөхтээхпит. Ол иһин ат спордун Федерациятын президенэ Руслан Федотов, бырабыыталыстыбаны кытта чугастааҕы дерби бирииһин пуондатын 2 мөл солк оҥорорго быһаардыбыт. Маны сэргэ «Национальное достояние» диэн күрэхтэһиини ыытары сүбэлэстибит, бирииһин пуондата 3 мөл солк ыраас хааннаах боруодаларга, 4 саастаахтарга, Саха сиригэр төрөөбүттэргэ. Бу күрэхтэһии балаҕан ыйыгар буолуоҕа», — диэтэ Айсен Николаев.
Ил Дархан 5 мөл солк бирииһэ 2400 м дистанцияҕа оонньонно, 4-тэн үөһэ саастаахтарга, ыраас хааннаахтарга. Спонсор — Саха Өрөспүүбүлүкэтин бырабыыталыстыбата.
Кыайыылааҕынан Мэҥэ Хаҥаластан Крит буолла, көрдөрүүтэ 2 мүнүүтэ 42 сөкүүндэ. Киниэхэ 2,5 мөл солк туттарылынна. Иккис — Эйр Бен Барс, Уус Алдан (1 мөл 250 тыһ солк), үһүс — Эллизиум, Ньурба улууһа (750 ттыһ солк), төрдүс Мэин Кониг Чурапчы улууһа (500 тыһ солк), суруйар регион сүрүн пресс-сулууспата.
Сиһилии: https://ysia.ru/pobeditelem-skachek-na-priz-glavy-yakutii-stal-skakun-krit/
