Саха сирин баһылыга Айсен Николаев икки УАЗ массыынаны өрөспүүбүлүкэттэн Владивостокка байыаннай сулууспаҕа сылдьааччыларга биэрдэ. Техникалар медицина өҥөтүн оҥорууга сүүрүөхтэрэ.
«Саха сириттэн сулууспаны ааһа сылдьааччылар баар 83 гвардейскай десантнай-штурмовой биригээдэҕэ икки УАЗ массыынаны туттардым. Медицина өҥөтүн толорууга сүүрүөхтэрэ. Саха сирин бу кылаата уопсай дьыалаҕа көмөлөөх буоллун», – телеграм-ханаалыгар Николаев суруйда.
Эрдэ өрөспүүбүлүкэ Бурятиятааҕы байыаннай чааска массыыналары биэрбитэ, манна эмиэ Саха сириттэн байыаннай сулууспа ааһаллар.
«Губернатордар байыаннай чаастарга аадырыстаан туран, массыыналары, квадрокоптердары, тепловизордары — ол эбэтэр кыайыыны түргэтэтиигэ анаммыт наадалаах тэриллэри ыыталлар. Бу биһиги дойдубутун утары Североатлантическай блок кыттыспыт кэмигэр, дойдубутун армия эрэ көмүскээбэт, норуот барыта, киһи барыта көмүскүүрүн көрдөрөр. Губернатордары кытта биир сыаллаах үлэлиибит, кыалларынан барытынан көмө буолабыт», – диэтэ УИУо президент боломуочуйалааҕа Юрий Трутнев.
