20 От ыйа 20.07
  • 22°
  • $ 88,02
  • 96,04

Ил Дархан "Азия оҕолоро" оонньуулар кыайыылаахтарыгар харчылаах сертификаттары туттарда

15:28, 10 июля
Текст:
Хаартыска: ЯСИА саайта
Читайте нас на
Яндекс Новости
ЯДВ
Ил Дархан Айсен Николаев өрөгөйдөөх тэрээһиҥҥэ «Азия оҕолоро» VIII норуоттар ардыларынааҕы оонньуулар кыайыылаахтарын уонна призердарын кытта көрүстэ. Мэтээл ылбыт спортсменнарга харчылаах сертификаттары туттарда, суруйар ЯСИА.

Оонньууларга кыайыылаахтар 50 тыһыынча солк, үрүҥ көмүс призёрдар — 30 тыһыынча солк, боруонсалар — 20 тыһыынча солк туттулар.

«Оонньуулар түмүктэммиттэринэн ис дууһабыттан эҕэрдэлиибин, Саха сирин икки сүүмэрдэммит хамаандатын спортсменнарын, тренердэрин ситиһиилэргитинэн. Уон биир күн Дьокуускайга спорт, доҕордоһуу, чиэһинэй спортивнай киирсии бырааһынньыга буолла. Оонньуулар үрдүк тэрээһиннээхтик аастылар», — диэтэ Айсен Николаев.

Хаартыска: Андрей Сорокин/ ЯСИА

Хаартыска: Андрей Сорокин/ ЯСИА

Ил Дархан бэлиэтээбитинэн, өрөспүүбүлүкэ мэтээллээх спортсменнарынан киэн туттар. Кинилэр бөдөҥ спортивнай державалар уонна федеральнай уокуруктар күүстээх спортсменнарын кытта тэҥҥэ кииристилэр, өссө баһыйан наҕараадалары туттулар.

Айсен Николаев тренердэргэ махтанна, күүстээх эдэр спортсменнары иитэн-такайан таһаарбыттарыгар. Настаабынньыктар бу оонньууларга бэйэлэрин үрдүк квалификацияларын бигэргэттилэр.

Хаартыска: Андрей Сорокин/ ЯСИА

Хаартыска: Андрей Сорокин/ ЯСИА

Следите за самым важным и интересным в Telegram-канале и WhatsApp-группе ЯСИА