24 Ыам ыйа 24.05
  • -7°
  • $ 104,68
  • 115,6

Ийэ хапытаалын эбии үөрэхтээһиҥҥэ туһанары көҥүллүөхтэрэ

Ийэ хапытаалын үбүн чааһынай урбаанньыттар тэрийэр үөрэхтэригэр туһанары көҥүллүөхтэрэ. Туһааннаах уларытыылар быйыл атырдьах ыйыгар Госдумаҕа киириэхтээхтэр, сокуон барылын «Известия» билистэ.

Билигин ийэ хапытаалын дьиэ атыылаһыытыгар, намыһах дохуоттаах ыал ыйдааҕы төлөбүрүгэр, ийэ мунньуллар пенсиятыгар, инбэлиит оҕолор социальнай адаптацияларыгар, ону тэҥэ оҕо үөрэхтээһиҥҥэ туһаныахха сөп диэн, Пенсионнай фонда пресс сулууспатата санатар. Онуоха сокуон быһыытынан бу үбүнэн судаарыстыбыннай эрэ тэрилтэ үөрэҕин төлүөххэ сөп.

Депутаттар уонна бырабыыталыстыба  лицензиялаах  чааһынай үөрэх тэрилтэлэригэр бу харчыны туһанар гына уларытыы киллэрэр былааннаахтарын «Известияҕа» Минтруд бигэргэттэ.

«Биир өттүнэн, анаммыт үбү аныгы олох ирдэбилигэр эппиэттиир үөрэххэ туһаналларыгар көмөлөһүөх тустаахпыт, онтон атын өрүтэ диэн, чахчы хаачыстыбалаах үөрэххэ туһаналларын хааччыйыахтаахпыт », — диэн биэдэмистибэҕэ чопчулаатылар.

Уларыйыы олоххо киирдэҕинэ, үбү онлайн-үөрэххэ, чааһынай куруһуоктарга, оҕолорго аналлаах араас маастар-кылаастарга, эбии спортивнай дьарыктарга, профүөрэхтээһиҥҥэ о д.а. эбии үөрэхтээһиҥҥэ туһаныахха сөп буолуоҕа. Холобур, оскуола иннинээҕи үөрэх, омук тылын куруһуоктара ону тэҥэ, ИП статустаах репетитордар эмиэ ити испииһэккэ киириэхтэрин сөп.

Следите за самым важным и интересным в Telegram-канале и WhatsApp-группе ЯСИА
0
0