29 Кулун тутар 29.03
  • -14°
  • $ 92,26
  • 99,71

Хотулар хортуоппуйунан хото хааччылыннылар

11:11, 14 октября 2016
Текст:
Читайте нас на
Яндекс Новости
ЯДВ

Хотугу улуустарга Дьокуускайтан хортуоппуйу уонна оҕуруот аһын сөмөлүөтүнэн тиэрдии салҕанан барар.


«Туймаада-Агроснаб» ААУо дааннайынан, б.дь. алтынньы 10 күнүнээҕи туругунан 11 көтүүгэ 57 туонна таһаҕас тиэйилиннэ. Быйыл барыта 113 туонна хортуоппуй, оҕуруот аһа салгын суолунан тиксэриллиэхтээх. Хотугу улуустартан саамай элбэҕи Өлөөн олохтоохторо ылаллар. Ол курдук, 16 т хортуоппуй, 3 т хаппыыста, 1,5 т моркуоп уонна биир итиччэ сүбүөкүлэ «көтөн» тиийдилэр.

Көтөр аалы сэргэ «Туймаада-Агроснаб» хампаанньа бэйэтин ааллара уу суолунан 550,5 туонна хортуоппуйу, хаппыыстаны, моркуобу, сүбүөкүлэни аналлаах сирдэригэр тиэрдэн, төттөрү айаннаан иһэллэр. Онон хотугу улуустар олохтоохторо быйылгы уһун кыстыкка иҥэмтэлээх аһынан хото хааччыллан эрэллэр.

Следите за самым важным и интересным в Telegram-канале и WhatsApp-группе ЯСИА