Хотугу эргимтэҕэ уонна киниэхэ тэҥнэммит сирдэргэ олорор биэнсийэлээхтэр от ыйын 1 күнүттэн сыллата олорор сири бигэргэтэр эбээһинэстэриттэн босхолоннулар. Бу туһунан РИА Новости МГЮА дассыана Кирилл Карпов сигэнэн иһитиннэрэр.
Эксперт этэринэн, бу саҥа киллэрии «хотугу» эбиликтэрдээх биэнсийэ үрдэтиллибит фиксированнай төлөбүрүн Арассыыйа Почтатын отделениеларынан ылар гражданнарга сыһыаннаах. Урукку өттүгэр эбии төлөбүрү оннунан хаалларар туһугар сыл аайы сайабылыанньаны уонна докумуоннары туттарыы ирдэнэрэ. Билигин бу дьаһал көтүрүлүннэ.
