Хотугулуу-илиҥҥи федеральнай университеты бүтэрээччилэр аҕыс муниципальнай оройуон бэрэстэбиитэлин кытта онлайн киэбинэн көрүстүлэр. Вакансиялар, эдэр исписэлиистэри миэстэтигэр өйүүр бырагыраамалар тустарынан кэпсэттилэр, СИА суруйар.
Үөрэх проректора Алексей Голиков бэлиэтээбитинэн, иннинээҕи сыллары кытта тэҥнээн көрдөххө, быйылгы выпускник ахсаана элбэх. Университеты бүтэрээччилэр улуустарга хамнас төһөтүн, социальнай-олорор усулуобуйа мэктиэтин, эдэр исписэлиистэри өйүүр бырагыраамалар тустарынан тустаах салайааччылартан туоһуластылар.
«Выпускниктар үлэ миэстэтин булалларыгар, муниципальнай оройуоттар эдэр, кэскиллээх исписэлиистэрдээх буолалларыгар баҕарабын», – диэтэ проректор.
Дьааҥы оройуонун киин балыыһатын кылаабынай бырааһа Владимир Докторов доруобуйа харыстабылыгар вакансиялары кэпсээтэ. Улууска киин балыыһа, 7 амбулатория уонна 11 фелдьшерскай-акушерскай пуун баар. «Земскэй доктор» бырагырааманан киин балыыһаҕа быраас-невролог, терапевт-участковай, онколог, педиатр-участковай уонна быраас-рентгенолог, хирургия отделениетыгар быраас-хирург, Арыылаах амбулаториятыгар – быраас-терапевт наадалар.
Сиһилии: https://ysia.ru/severnye-rajony-yakutii-zainteresovany-v-vypusknikah-svfu/
