19 От ыйа 19.07
  • 21°
  • $ 87,88
  • 96,1

«Хоруоллар оонньуулара» күүстээх саахыматчыттары быһаарда

16:13, 20 января 2016
Текст:
Читайте нас на
Яндекс Новости
ЯДВ

Кыттааччылары спорт управлениетын салайааччытын солбуйааччы Р.Д.Протодьяконов, спорт интеллектуальнай көрүҥнэригэр федерация бэрэссэдээтэлэ Р.Д.Кононов уонна Саахымат-дуобат кулуубун бэрэссэдээтэлэ Ю.Д.Яковлев эҕэрдэлээтилэр.

Тэрийээччилэртэн биирдэстэрэ, саахымат федерациятын толорооччу дириэктэрэ Сергей Соколович санаатын маннык үллэһиннэ:
— Саахымакка быйыл бу ахсыс күрэхтэһиибит. Манна 28 кыттааччы баар. Урукку сылларга 40-ча киһиэхэ тиийэр буолара. Билигин кыһыҥҥы уһун өрөбүллэр кэмнэрэ буолан, оҕолор кытталлар. Саахымат-дуобат кулууба тэриллэн, күрэхтэһиилэрбитин ыытарга кыһалҕаны көрсүбэт буоллубут.
Күрэхтэһии кэмигэр Рудольф Борисовы көрсөн кэпсэттим. Кини бэйэтин кэмигэр 20 сыл Саха сирин сүүмэрдэммит хамаандатыгар сылдьыбыт улахан уопуттаах оонньооччу, билигин Хаҥалас улууһун оҕо спортивнай оскуолатыгар саахымат тренеринэн үлэлиир.
— Покровскай куоракка бөлөхтөрүнэн барыта 40-ча оҕо дьарыктанар. Бүгүн бу улахан дьон күрэхтэһиитигэр үчүгэйдик оонньуур оҕолорбун аҕаллым. Улахан дьону кытта оонньоон үчүгэй үөрүйэҕи ылыахтара уонна сайдыахтара, диир тренер Рудольф Пантелеймонович.
Икки күннээх бэрт эрийсиилээх, сытыы комбинациялардаах оонньуулар түмүктэринэн Үөһээ Бэстээхтэн Владимир Терентьев үһүс бочуоттаах миэстэҕэ тахсары ситистэ. Иккиһи Мохсоҕоллоохтон уопуттаах оонньооччу Сергей Соколович ылла. Оттон сыл бастакы күрэхтэһиитин кыайыылааҕынан Үөһээ Бэстээхтэн Владимир Филиппов буолла.
60-тан үөһэ саастаах бэтэрээн оонньооччуларга үһүс миэстэни Василий Скрябин (Мохсоҕоллоох, иккиһи Марк Михайлов (Нөмүгү нэһилиэгэ) уонна бастакы миэстэни тренер Рудольф Борисов ылан үөрүүлэрэ үксээтэ.
Быйыл күрэхтэһиигэ хаһааҥҥытааҕар да элбэх оҕо кытынна. Манна бастакы миэстэни Кэрэчээнэ Григорьева (Покровскай 1-кы №-дээх оскуолата) ылла. Иккискэ Артем Егоров (Булгунньахтаах орто оскуолата) эрэллээхтик таҕыста. Үһүскэ Антон Иванов (Покровскай 1-кы №-дээх оскуолата) тигистэ.
Следите за самым важным и интересным в Telegram-канале и WhatsApp-группе ЯСИА
Тутаах тыллар