29 Кулун тутар 29.03
  • -14°
  • $ 92,26
  • 99,71

ХИФУ уопсайыгар 300-чэ омук устудьуона харантыыҥҥа барда

Читайте нас на
Яндекс Новости
ЯДВ

Коронавирустаабыт ХИФУ устудьуона олорор уопсайыгар 300-чэ омук устудьуона баар, маны сэргэ сэттэ омук преподавателэ. Ол туһунан СИА-ҕа үөрэх кэннэ үлэ уонна ыччат бэлиитикэтигэр проректор Александр Ильин эттэ. Уопсайга харантыын биллэрилиннэ, дьиэҕэ санация ыытыллар.


Хотугулуу-илиҥҥи федеральнай университет кулун тутар 17 күнүттэн дистанционнай үөрэхтээһиҥҥэ көһөрүллүбүт. Ыам ыйын 17 күнүгэр диэри уһатылыбыт. Кулун тутар 20 күнүттэн уопсайдарга тастан киирии тохтотуллубут. Күн аайы эбийиэктэр дезинфекцияланаллар.

«Устудьуон куоратыгар 6000 кэриҥэ устудьуон олорор. Билигин 1209 киһи баар. Интернеттэрэ мөлтөх хотугу улуустартан уонна 300 омук устудьуона хаалбыттар», — кэпсээтэ Александр Ильин.

Кини эппитинэн, коронавирустаабыт устудьуон олорор №9/2 уопсайыгар Роспотребнадзор дьаһалынан харантыын биллэрилиннэ. «Манна 324 киһи баар, ол иһигэр 20 Россияттан, 297 омук сирдэриттэн. Сэттэ омук преподаватэ. Кинилэргэ университет суотугар аһалыктарын тэрийдибит. Иностранецтар астарын рациона тус-туспа буолан, манна уустуктардаах», — диэтэ проректор.

Уопсай олохтоохторуттан анаалыс ылыллар. Бары икки нэдиэлэ устата быраас кэтээн көрүүтүгэр олоруохтара.

Следите за самым важным и интересным в Telegram-канале и WhatsApp-группе ЯСИА