Саха сирин 11 хампаанньата 32-с Харбиннааҕы норуоттар ардыларыынаҕы атыы-экономика дьаарбаҥкатыгар кытыннылар. Тас дьыалаларга уонна сибээскэ министиэристибэ бэрэстэбиитэлэ Светлана Семенова эппитинэн, кытайдар биһиги олохтоох бородууксуйабытыгар наадыйаллар, бииргэ үлэлээһиҥҥэ дуогабардар бааллар.
Быыстапкаҕа Саха сирин хамаандата араас табаары, аһы-үөлү көрдөрдө, ол иһигэр кыһыл көмүс, сыаналаах таастартан киэргэллэри, сувенирдары, сэлии аһыытыттан оҥоһуктары, национальнай көстүүмнэри, эт, балык, чай бородууксуйатын уонна да аһы-үөлү.
Павильоҥҥа өрөспүүбүлүкэ инвестиционнай, туристическай уонна экспортнай кыаҕын көрдөрдүлэр. Маны сэргэ «Дойти до края Сибирского континента» документальнай киинэ кытайдыы субтитрдаах көрдөрүлүннэ.
