Дьааҥы уонна Кэбээйи оройуоннарыгар халаан уутуттан эмсэҕэлээбиттэргэ көмөлөһөргө 30 мөл. солк. көрүлүннэ, диэн СИА кэпсиир.
Экология министиэристибэтэ иһитиннэрэринэн, атырдьах ыйын 16 күнүнээҕи туругунан 7190 сайабылыанньа киирбит, ол иһигэр биир кэмнээх төлөбүр ыларга 4240, наадалаах малларын сүтэрбиттэрин иһин үбүнэн көмөнү ыларга 2939 сайабылыанньа, доруобуйаҕа буортуну ылан көмөҕө наадыйалларын туһунан 11 сайабылыанньа киирдэ.
6638 сайабылыанньаҕа (92%) быһаарыы ылылынна, онтон 4405 сөбүлэҥ уонна 2233 аккаас ылылынна. Аккаастаныы биричиинэтэ — олорор киһи аадырыһа ЧС зонатыгар киирбэтэх эбэтэр сайабылыанньа хат бэриллибит.
