16 От ыйа 16.07
  • 16°
  • $ 87,81
  • 95,78

Хаартысканан куонкурус: Кэл, олор, чэйдиэх!

17:19, 29 марта 2016
Текст:
Читайте нас на
Яндекс Новости
ЯДВ

Дьокуускай куорат олохтооҕо Ольга Юшкова куонкуруска кыттар үлэтин ыытта. Кини бу интэриэһинэй күрэс бастакы кыттааччыта буолар. 


«Мин дьиэ кэргэммэр тоҕуспут: аҕам, ийэм, убайым, кини кэргэнэ, үс оҕото, мин уонна мин доҕорум. Хас бырааһынньык аайы аймахтарбытын барыларын ыҥырабыт. Улахан остуолбутун саамай сөбүлүүр бүлүүдэлэрбитинэн толоробут уонна тула олорон минньигэстик аһыыбыт, дьоллоох түгэннэри кэпсэтэбит. Бу хаартыска 2016 сыл кулун тутар 26 күнүгэр төрөппүттэрбит дьиэлэригэр дэриэбинэҕэ түһэриллибитэ», — диэн кэпсиир Ольга.

Санатар эбит буоллахха, “Сахам сирэ” өрөспүүбүлүкэтээҕи акция чэрчитинэн “Сахамедиа” АУо, «СИА-сонуннар» сахалыы саайт “Кэл, олор, чэйдиэх!” хаартыска көрүүтүн куонкуруһун биллэрбитэ.

Өбүгэ саҕаттан саха ыала киэһэ мустан баай астаах-үөллээх сандалытын тула олорон, үүттээх итии чэйи иһэ-иһэ күннээҕини ырытар, сарсыҥҥыны торумнуур үтүө үгэстээх. Сиһилии балаһыанньаны «СИА-сонуннар» сахалыы саайтка киирэн билсиҥ.
Эн хаартыскаҕын күүтэбит!
Куонкурус кыайыылаахтара сыаналаах бириистэринэн наҕараадаланыахтара.
Следите за самым важным и интересным в Telegram-канале и WhatsApp-группе ЯСИА