Саха сиригэр сааскы ыһыы тэтимин ылан, кимиилээхтик баран иһэр. Бааһыналарга дьон оҕуруот аһын, хортуоппуй олордор. Хаҥалас улууһун хаһаайыстыбалара үлэлэрин улахан аҥарын дабайдылар. Ол туһунан оройуон тыатын хаһаайыстыбытын департаменыгар күннэтэ информация киирэр.
Билигин Россияҕа саамай ас биэрэринэн уонна ыарыыга ылларбатынан бастыҥ диэн Ариэль суорду аграрийдар талаллар диэн суруйаллар. «Бу суорт уһуннук буортурбакка хараллан сытар. Амтана минньигэс, хайдах баҕарар буһаран сиэххэ сөп», — диэн хортуоппуй үүннэриитинэн дьарыктанааччылар кэпсииллэр.
Онтон Хоточчуга Розара, Ред Скарлет суортары сөбүлээн олордоллор. «Биһиги сэбиэскэй кэмтэн манна хортуоппуйу өлгөмнүк олордобут. Дьоҥҥо сөбүлэппит суортары эрэ олордобут», — диэн эттилэр хаһаайыстыбалар.
