Хаҥалас улууһугар тыа хаһаайыстыбатын бородууксуйатын оҥорон таһаарааччылары оройуон бюджетыттан үбүнэн өйүүр бырагыраама чэрчитинэн хаһаайыстыбалар бизнес-бырайыактарын көрүү буолла. Бу дьаһалы норуокка «Баһылык грана» диэн ааттыыллар.
Тыа хаһаайыстыбатын департамена куонкурсу сүрүннээн ыытар. Талыы буоларын туһунан биллэрии олунньу 19 күнүгэр тахсыбыта, сайаапканы тутуу саҕаламмыта.
Сэттэ киһиттэн састааптаах хамыыһыйа 33 бырайыагы көрдө.
Кулун тутар 2 күнүгэр 18 хаһаайыстыба грант ылар буолбутун туһунан боротокуол таҕыста. Сыаналааһын баалынан ыытылынна.
Саамай элбэх кыттааччылаах 1 Дьөппөн нэһилиэгэ — 9 хаһаайыстыба. Ол иһигэр Хоточчуттан түөрт хаһаайыстыба сайаапка киллэрбититтэн, бары өйөбүл ылар буоллулар.
Хоточчулар чахчы хоһуун үлэһиттэрин, сыалларын-соруктарын, хайысхаларын, түмүгү ылалларын чуолкайдык билэллэрин өссө биирдэ дакаастаатылар.
Маннык «Баһылык граннара» олохтоохтору үлэҕэ көҕүлүүллэр, олохтоох хаачыстыбалаах аһынан нэһилиэнньэни хааччыйаллар.
