24 От ыйа 24.07
  • 15°
  • $ 87,3
  • 95,46

Хаҥалас улууһугар үлэтэ суох дьон судаарыстыбаттан эбии көмө ылаллар

17:01, 25 ноября 2020
Текст:
Читайте нас на
Яндекс Новости
ЯДВ

Хаҥалас улууһугар үлэлэриттэн уурайаары сылдьар 21 киһи уонна 45 үлэтэ суох дьон судаарыстыбаттан эбии көмө ыллылар. Бу туһунан дьарыктаах буолуу судаарыстыбаннай кэмитиэтэ иһитиннэрэр.  


Дьарыктаах буолуу киинигэр кэлбит кыһалҕалаах дьону уопсастыбаннай эбэтэр быстах кэмҥэ үлэнэн хааччыйаллар. Маныаха үлэ биэрээччи хамнас алын кээмэйин төлүүр. Дьарыктаах буолуу сулууспата үлэ биэрээччигэ ороскуот сорох чааһын төннөрөр.

Үлэтэ суохтар атыы-эргиэн эйгэтигэр, ититии ситимин көрүүгэ, бэлэм бородууксуйаны суулааһыҥҥа, хортуоска, отон наардааһыныгар үлэлээтилэр.

Оройуоннааҕы дьарыктаах буолуу сулууспата «Бөртө» сылгы, Мохсоҕоллоохтооҕу килиэп собуоттара тэрилтэ ыытар араас тэрээһиннэригэр өрүү көхтөөхтөрүн бэлиэтиир. Хардарыта көмө икки өттүтэн табыгастааҕын бэлиэтииллэр.

Следите за самым важным и интересным в Telegram-канале и WhatsApp-группе ЯСИА