16 От ыйа 16.07
  • 23°
  • $ 87,81
  • 95,78

Горнайга "Манчаары оонньууларын" кэмигэр дьон олоҕор куттал суоһаабатын хааччыйыахтара

Читайте нас на
Яндекс Новости
ЯДВ

Бэрдьигэстээххэ Манчаары оонньууларын тэрийии бырагырааматын чэрчитинэн, ыксаллаах быһыыны-майгыны сэрэтэр, баһаартан куттала суох буолууну, бэрээдэги, тырааныспар сырыытын хааччыйар хамыыһыйа үлэлээтэ. Улуус баһылыга Никита Андреев спортсменнар хайдах усулуобуйаҕа олоруохтаахтарын, тугунан хааччыйалларын сырдатта.


Горнай улууһугар 2021 сылга ыытыллар Манчаары оонньууларын кэмигэр Спортсменнары, ыалдьыттары таһар оптуобустар куттала суох айанныылларын, тохтуур сирдэригэр бэйэ-бэйэлэригэр мэһэйдэспэккэ холкутук туралларын хааччыйарга туох үлэтэ ыытылларын тула киэҥ хабааннаах кэпсэтии таҕыста. Спортивнай эбийиэктэргэ көрөөччүлэр олохторугар куттал суоһаабатын хааччыйарга үлэ хайдах быһыылаахтык барыахтарын ырытыстылар.

Спортивнай эбийиэктэргэ дьон киирэригэр-тахсарыгар уустуктары көрсүбэтин туһугар үлэ ыытыллыахтаах. Уопсастыбаннай бэрээдэги көрүүгэ, сэлиэнньэ иһигэр техника сырыытын хонтуруоллуурга эбии полиция, ГИБДД сотрудниктара кэлиэхтэрэ. Ону таһынан, суол бэлиэлэрэ саҥардыллыахтара. Түүрэйи утары охсуһууга былааннаах үлэ ыытыллыа.

Туруоруллубут сорук ирдэбилигэр эппиэтиир үлэ хайдах толоруллан иһэрин туһунан, улуус дьаһалтатын управлениеларын, чопчу үлэлэһэр, туһааннаах тэрилтэ салайааччылара, эппиэтинэстээх дьоно билиһиннэрдилэр. Сыыһа-халты тахсыбатын наадатыттан, былааннаах үлэ барара ыйылынна.

Мунньахха кыттыыны ыллылар СӨ физическэй култууратын уонна спордун миниистирин солбуйааччы А.Н.Бугаев, СӨ транспорын уонна суолун хаһаайыстыбатын миниистирин солбуйааччы А.А.Филиппов, СӨ нэһилиэнньэтин олоҕо-дьаһаҕа куттала суох буолуутун хааччыйар Судаарыстыбаннай кэмитиэт бэрэссэдээтэлин солбуйааччы И.М.Андросов, РФ МЧС ГУ СӨ начаалынньыгын солбуйаччы А.А. Павлов, СӨ ИДьМ общественнай бэрээдэги харыстааһыны тэрийии салаатын начаалынньыгын солбуйааччы С.Н.Тимофеев, ИДьМ УГИБДД ОДН начаалынньыга А.И.Прокопьев, диэн «Үлэ күүһэ» хаһыат инстаграм-сирэйигэр Вячеслав Алексеев суруйда.

Следите за самым важным и интересным в Telegram-канале и WhatsApp-группе ЯСИА