Нам, Кэбээйи, Горнай улуустарыгар 250 тыһ гектарга умайар улахан ойуур уотун умуруордулар. Бу туһунан бастакы вице-премьер Дмитрий Садовников суһал ыстаап сарсыардааҥҥы иһитиннэриитигэр эттэ.
Саха сирин үрдүнэн билигин 55 ойуур баһаара умайар, итинтэн 15 умуруораллар. Ааспыт сууккаҕа алтатын төгүрүппүттэр, биэһин умулуннарбыттар. 10 уот саҥаттан күөдьүйбүт. Баһаардарга 1206 киһи, 106 тиэхиникэ, 11 авиация күүстэрэ үлэлииллэр. Билигин Үөһээ Бүлүү, Бүлүү, Кэбээйи, Мииринэй, Уус Маайа, Чурапчы улуустарыгар уоту умулуннараллар.
«Бу сарсыарда 8 чааска Нам, Кэбээйи, Горнай улуустарыгар 250 тыһ гектарга умайар улахан уот умуруорулунна», — диэтэ бастакы вице-премьер.
Ити гынан, Горнай улууһугар биир да ойуур баһаара хаалбата.
