29 Кулун тутар 29.03
  • -14°
  • $ 92,26
  • 99,71

Горнай улууһугар 17 оҕо кыһыл көмүс мэтээли иилиннэ

12:00, 30 июня 2016
Текст:
Читайте нас на
Яндекс Новости
ЯДВ

Бэс ыйын 27 күнүгэр кыһыл көмүс мэтээлинэн бүтэрээччилэри кытта улуус баһылыга Никита Андреев көрүстэ, мэтээллэри туттарда.


Горнай улууһугар 147 үөрэнээччи оскуоланы бүтэрэн, олох киэҥ аартыгар үктэннэ. Олор истэригэр 17 оҕо кыһыл көмүс мэтээли иилинэн оскуолаларын уонна улуус историятыгар киирдилэр.

Улуус баһылыга үөрүүлээх күнүнэн медалистары, төрөппүттэри эҕэрдэлээтэ. «Талбыт үөрэххитигэр киирэн, туйгуннук үөрэнэргитигэр, төрөөбүт улуускутугар, өрөспүүбүлүкэҕитигэр үлэлээн-хамсаан сайыннараргытыгар, инникитин дьоһун-мааны ыал буоларгытыгар баҕа санаабын тиэрдэбин», — диэтэ кини.

Никита Викторович оскуоланы туйгуннук бүтэрбиттэрин туоһулуур оскуоланы бүтэрээччилэргэ кыһыл көмүс мэтээллэри, улуус баһылыгын бэлиэтин уонна Махтал суруктары, харчынан бириэмийэ сертификаттары, төрөппүттэригэр Махтал суруктары үөрүүлээх быһыыга-майгыга туттарда.

Быйылгы үөрэх дьылын кыһыл көмүс мэтээлинэн Айталина Афанасьева, Марианна Кожеваткина (Л.Н.Харитонов аатынан Маҕарас орто оскуолата), Екатерина Егорова, Виктория Еремеева, Аина Кириллина, Мария Саввина, Любовь Санникова, Саскылаана Сутакова, Виктория Тимофеева (Бэрдьигэстээх улуустааҕы гимназията), Алина Горохова, Галина Михайлова, Диана Никифорова, Аина Ноговицына, Кэскилээнэ Петрова, Розсиэна Сивцева, Мила Тимофеева (Бэрдьигэстээх орто оскуолата), Анжелика Капитонова (С.П.Данилов аатынан Бэрдьигэстээх орто оскуолата) бүтэрдилэр.

Следите за самым важным и интересным в Telegram-канале и WhatsApp-группе ЯСИА