16 От ыйа 16.07
  • 22°
  • $ 87,81
  • 95,78

Физкультура учуутала оҕону кырбаабыт

14:15, 19 февраля 2018
Текст:
Читайте нас на
Яндекс Новости
ЯДВ

Үөһээ Бүлүү улууһун борокуратуурата биир ийэ сайабылыанньатынан бэрэбиэркэ ыыппыт. Ийэ 15 саастаах уолбун физкультура учуутала кырбаата диэн үҥсүбүт.


Ийэ сайабылыанньатынан улуус борокуратуурата бэрэбиэркэ ыыппыт.

Бэрэбиэркэ быһаарбытынан, уруок кэмигэр учуутал уонна үөрэнээччи этиспиттэр, онно физрук уолу төбөҕө охсубут. Онтон учуутал үөрэнээччини салгыы таҥас уларыттар хоско соһон илдьэн, кырбаабыт.

Борокуратуура бэрэбиэркэ матырыйаалларын ис дьыала уорганнарыгар ыыппыт. Ол түмүгэр, Үөһээ Бүлүүтээҕи Ис дьыала отделын дознаниеҕа салаата ити чахчынан холуобунай дьыала тэрийбит. РФ Холуобунай кодексатын 156-с ыстатыйатынан. Ол эбэтэр, педагог сокуоннай сааһын ситэ илик оҕоҕо кырыктаахтык сыһыаннаһан туран, иитэр эбээһинэһин толорботоҕун иһин.

Дьыаланы силиэстийэлээһин хаамыыта борокуратуура хонтуруолугар сылдьар.

Бу туһунан СӨ Борокуратууратын пресс-сулууспата иһитиннэрдэ.

Следите за самым важным и интересным в Telegram-канале и WhatsApp-группе ЯСИА