16 От ыйа 16.07
  • 17°
  • $ 87,81
  • 95,78

Федеральнай үөрэх кыһаларын бүтэрбиттэр дойдуларыгар төннүбэттэрэ билигин да баар

14:28, 14 апреля 2016
Текст:
Читайте нас на
Яндекс Новости
ЯДВ

Профессиональнай үөрэхтээһиниҥҥэ министиэристибэтэ өрөспүүбүлүкэ тас өттүгэр идэлээх дьону бэлэмнииргэ ураты улахан болҕомтону уурар. Үөрэҕи бүтэрээччилэргэ Саха сиригэр төннөн үлэлиир туһунан эбэһээтэлистибэ баарын да үрдүнэн, кинилэр Россия атын регионнарыгар үлэлии хаалаллар.


Бүгүҥҥү туругунан үрдүк үөрэх кыһатыгар тус сыаллаахтык үөрэтии чэрчитинэн компаниялар сакаастарынан 423, министиэристибэлэр сакаастарынан 3 тыһ.тахса ыччат үөрэнэр. Итинтэн баһыйар үгүстэрэ өрөспүүбүлүкэ бюджетыттан төлөнөр миэстэлэргэ киирбиттэр. Профессиональнай үөрэхтээһин министиэристибэтэ оҕолор стипендияларыгар үп-харчы эбии биэрэр, айаннарын ороскуотун толуйар. Ону таһынан бастаан тиийэн олохторун-дьаһахтарын булалларыгар, адаптацияны ааһалларыгар көмөлөһөр. Ааспыт сылга биир специалиһы бэлэмнээн таһаарарга ортотунан 88 тыһ.солк.ороскуоттаммыт.

Устудьуоннар үөрэхтэрин бүтэрэн баран, үс сыл өрөспүүбүлүкэҕэ кэлэн үлэлиир эбээһинэстээхтэр. Сакаасчыт Россия атын регионугар үлэлиири көҥүллүүрэ ыччат идэни ылан баран Саха сиригэр төнөн кэлбэтин сүрүн  төрүөтүнэн буолар. 2014 сылга үөрэх кыһатын 617 бүтэрээччиттэн тохсунньу 1 күнүнээҕи туругунан 247 киһи үлэ булбут. Үлэни биэрээччигэ 119 киһи кэлбэтэх, 56 өрөспүүбүлүкэ тас өттүгэр хаалбыт.

«Идэлээхтэр сакаасчыт сөбүлэҥинэн федеральнай тэрилтэлэргэ үлэлии хаалаллар, ол кэнниттэн үлэлээбит уопуттаах дойдуларыгар эргиллэн кэлэллэрэ суох буолбатах. Үрдүк үөрэх олохтоох уонна федеральнай кыһаларын 4000 кэриҥэ бүтэрээччиттэн 10-15 киһи төннүбэт», — диэн СИА-ҕа профессиональнай үөрэхтээһиҥҥэ министиэристибэтин специалистары тус сыаллаахтык бэлэмниир отдел салайааччытын солбуйааччы Анна Кузьменко эттэ.

Следите за самым важным и интересным в Telegram-канале и WhatsApp-группе ЯСИА