Үс купол уопсай иэнэ 3 тыһ кв.м. Аҥара бүттэ. Хас да хаттыгастаах сылаас систиэмэ итиини тутар, энергияны харыстыыр.
Сэттэ этээскэ барытыгар истиэнэни штукатуркалааһын, сылытыы, гидроизоляция уонна муостатын тэҥнээһин, инженернай систиэмэни таҥыы ыытыллар.
Хаартыска: ВИС 
Эбийиэк Уһук Илиҥҥэ бастакы бөдөҥ кластер буолар. Технологическай хааччыйыы, акустика чааһынан дойдуга бастыҥ буолуоҕа. Уот-күөс, мультимедийнай уонна акустическай оборудование аан бастакытын өрөспүүбүлүкэҕэ биир былаһааккаҕа хайдах баҕарар таһымнаах тэрээһини ыытыыга кыаҕы биэриэҕэ.
Ил Дархан Айсен Николаев Ил Түмэҥҥэ ыҥырыытыгар Киин сылын аайы хас биирдии муниципальнай оройуоҥҥа уонна куорат уокуругар былаһаакка биэрэригэр модьуйбута.
