Бөөлүүн Элэһин учаастагар бөрөлөр кулунчугу тардыбыттарын туһунан иһитиннэрии кэлбитинэн олохтоох дьаһалтаҕа эрийэн туоһулаһа сырыттыбыт, диэн суруйда https://www.instagram.com/muru.sahargata/
Бороҕон нэһилиэгин дьаһалтатын тыа хаһаайыстыбатыгар исписэлииһэ Леонид Егоров маннык иһитиннэрдэ:
– Бөрөлөр кулуну тардыбыт сирдэрэ Дьиэрэҥнээх диэн улахан айан суолун кытыытыгар, Хардыыттан Элэһин диэки барыыга баар. Билиҥҥитэ кулунчук хаһаайына ким буолара биллибэт. Ити эҥээр икки үөр сылгы сылдьар этэ, сылгылаахтар билигин ону көрдүү барбыттара. Сотору миэстэтигэр тиийэн кулунчук сэмнэҕин аахталаан, хаһаайын ким буоларын быһаарыахпыт. Адьырҕалар эмиэ хоромньуну таһаардылар.
Ити эргиннээҕи нэһилиэктэр сылгылаах дьоно сэрэхтээх буоларгытыгар ыҥырабыт.
Ааптар: Афанасий Копырин
