25 От ыйа 25.07
  • 29°
  • $ 86,55
  • 94,38

Элбэх оҕолоох ыалларга бэриллибит сиргэ инфраструктураны сайыннарыыны бырабыыталыстыбаҕа кэпсэттилэр

14:35, 03 июня 2016
Текст:
Читайте нас на
Яндекс Новости
ЯДВ

Бырабыыталыстыба бэрэссэдээтэлэ Галина Данчикова эппиэттээх министиэристибэлэри кытта ыыппыт мунньаҕар элбэх оҕолоох ыалларга бэриллибит сир учаастактарыгар суолу-ииһи оҥорууну, уоту тардыыны дьүүллэстилэр. 


Премьер-миниистир этэринэн, инфраструктураны тутууга биир кэлим сыһыан наада. Бастакы түһүмэххэ, өрөспүүбүлүкэни барытын хабан туран, бэриллибит сирдэр учуоттарын оҥорор наадата этилиннэ. Оччотугар төһө ыал өйөбүлгэ наадыйара биллиэхтээх диэн буолла.

Галина Данчикова солбуйааччытыгар Игорь Никифоровка архитектура уонна тутуу комплексын министиэристибэтин кытта инфраструктураны оҥорууга, аадырыстаах тус көмөнү киллэрэн туран, этиилэри киллэрэллэригэр сорудахтаата.

Өрөспүүбүлүкэҕэ үс уонна онтон элбэх оҕолоох, сир учаастагар наадыйар 17,5 тыһ. ыал баара биллэр. Онтон 2016 сыл ыам ыйын 1 күнүгэр 6354 ыал учаастагын ылбыт, ити эрээри коммунальнай инфраструктуранан балтараа эрэ тыһыынчата хааччыллыбыт.

Следите за самым важным и интересным в Telegram-канале и WhatsApp-группе ЯСИА