29 Кулун тутар 29.03
  • -11°
  • $ 92,26
  • 99,71

Элбэх оҕолоох ыал оҕото үрдүк үөрэххэ киирэригэр баһыйар быраабы ылыан сөп

14:01, 25 сентября 2020
Текст:
Читайте нас на
Яндекс Новости
ЯДВ

Үс уонна онтон элбэх оҕолоох дьиэ кэргэттэр абитуриеннара бакалавриат уонна специалитет бырагыраамаларыгар туттарсалларыгар баһыйар бырааптаах буолуохтаахтара этилиннэ. Маннык сокуон барылын депутаттар Госдуума күһүҥҥү сессиятыгар көрөр былааннаахтар, “Парламентская газета” суруйар.


2030 сылга диэри дойду стратегическай сайдыытыгар киллэриллибит сүрүн хайысхалартан биирдэстэринэн хаачыстыбалаах үөрэхтээһини ылыы буолар. Бэйэ талаанын хас биирдии киһи, кини хайдах дохуоттаах ыалга төрөөбүтүттэн тутулуга суох, олоххо киллэрэр кыахтаах. Бу туһунан сокуон барылын быһаарыы суругар суруллар.

Элбэх оҕолоох ыаллары — 3 уонна онтон элбэх — өйөөһүн дойду судаарыстыбатынан инники күөҥҥэ тутуллар. Быһаарыылар олох бары хайысхатыгар, ол иһигэр үөрэхтээһиҥҥэ, ылыллаллара күүтүллэр.

Бу балаһыанньалары олоххо киллэрэр туһуттан ааптардар элбэх оҕолоох ыаллар оҕолоро үөрэххэ киирэллэригэр баһыйар бырааптаах буолалларыгар этэллэр. Чэпчэтии өскөтүн абитуриент эксээмэннэрин атыттары кытта тэҥ усулуобуйаҕа туттарбыт буоллаҕына көрүллэр. Сокуон бырайыага ылылыннаҕына, нуорма күүһүгэр 2021 сыл тохсунньу 1 күнүттэн киириэҕэ.

Следите за самым важным и интересным в Telegram-канале и WhatsApp-группе ЯСИА