Ил Түмэн мунньаҕар «Саха сиригэр үлэ бэтэрээнэ» ааты биэриигэ бэрээдэккэ уларытыылары киллэриигэ сокуон барыла ылылынна.
Сокуонунан бэлиэни ылыыга 20 сыл ыстаас көрүллэр эбит буоллаҕына, билигин ити болдьох 10 сылга диэри элбэх оҕолоох ийэлэргэ кыччаата, суруйар СИА. Билигин бэлиэни ылыыга 8 сааһыгар диэри түөрт уонна онтон элбэх оҕону ииппит, 10-тан аҕыйаҕа суох сыл Арктика оройуоттарыгар олорор, үлэлиир ийэлэр ылаллар.
«Мать героиня», «Высшая благодарность Матери», «Материнская слава» I, II, III степеннээх судаарыстыбаннай наҕараадалары ылбыт ийэлэр, 10 сыл ыстаастаах буоллахтарына, эмиэ бу бэлиэни ылыахтарын сөп.
