28 Тохсунньу 28.01
  • -48°
  • $ 73,82
  • 83,32

Егор Борисов «Селигдар» бэрэстэбиитэллэрин кытта көрүстэ

09:03, 24 марта 2016
Текст:

Егор Борисов «Селигдар» ПАО дириэктэрдэрин сэбиэтин чилиэнэ Константин Бейриты уонна компания быраабы хааччыйар департаменын салайааччытын Михаил Поляковы кытта көрүстэ.


Көрсүһүү саҕаланыыта Егор Борисов компания ааспыт сыллааҕы, быйылгы үлэтин былааннарын туһунан ыйыталаста.

Константин Бейрит этэринэн, Алдаҥҥа «Селигдар» артыал 1974 сыллаахха тэриллиэҕиттэн ыла холдинг историята саҕаламмыт. 1975 сыллаахха компания бастакы бытархай көмүһү хостообут. 40 сыл усталаах быыстала суох үлэ түмүгэр холдинг көмүһү хостуур бөдөҥ компаниялар ахсааннарыгар бигэтик киирбит.

Кини 2016 сыл холдиҥҥа ураты сыл буолуохтааҕын, ол 4,7 тонна көмүһү хостуур былааны кытта ыкса ситимнээҕин эттэ. 2015 сылга 3,4 тонна көмүс хостоммут.

Константин Бейрит «Селигдар» ПАО тэрилтэлэригэр 2 тыһыынча кэриҥэ киһи: аҥаара олохтоох дьон, атына ваахтанан кэлэн үлэлээччилэр буолалларын чиҥэтэн эттэ.

Егор Борисов өрөспүүбүлүкэ сиригэр-уотугар үлэлиир бөдөҥ промышленнай тэрилтэ 2017 сылтан ыла Саха сирин бырабыыталыстыбатын балансовай хамыыһыйатын булгуччу ааһыахтааҕын ыйда.

Егор Афанасьевич холдинг нолуогу төлөөһүнүҥҥэ, оҥорон таһаарыыга көрдөрүүлэрэ үрдүгүн бэлиэтээтэ.

Көрсүһүүгэ бырабыыталыстыба бэрэссэдээтэлэ Галина Данчикова уонна бастакы вице-премьер Павел Маринычев кытыннылар.

0
0
28 января 28.01
  • -48°
  • $ 73,82
  • 83,32