«Халыма сонуннара» хаһыат иһитиннэрбитинэн, атырдьах ыйын 11 күнүгэр киэһэ сыбаалка таһынааҕы сири кэтээн көрүү кэмигэр эһэни көрбүттэр. Булчуттар бөлөхтөрө полиция үлэһиттэрин кытта бииргэ кыыл сыппыт сирин булбуттар. Ол кэнниттэн сиэмэх кыылы суох оҥорбуттар.
Туоһулар өссө биир эһэ туһунан эппиттэр, кинини айан суолун тохсус килэмиэтиригэр көрбүттэр. Дьонноох учаастакка кыыл суох. Сабаҕалыылларынан, кыыл тыаҕа барбыт.
