17 От ыйа 17.07
  • 20°
  • $ 88,28
  • 96,26

Үөһээ Бүлүү улууһун тэриллиилээх хаһаайыстыбалара 1 лиитэрэ үүттэрин 95 солк туттарар буоллулар

Хаартыска: Үөһээ Бүлүү улууһун баһылыгын телеграм-ханаала
Читайте нас на
Яндекс Новости
ЯДВ

Тыа хаһаайыстыбатын үлэһиттэрин, нэһилиэктэр баһылыктарын кытта үүт тутуутугар саҥа сүүрээни киллэриигэ сүбэ мунньаҕы ыыттыбыт, диэн суруйда Үөһээ Бүлүү улууһун баһылыга Валерий Николаев телеграм-ханаалыгар.

Үөһээ Бүлүү улууһа тыа хаһаайыстыбатын дьарыктанар улуус буоларынан, үүтү өлгөмнүк туттарыыны тэрийиигэ, сүөһү ахсаанын элбэтиигэ, тыа хаһаайыстыбатын сайыннарыыга, ыанар ынахтаах, үүт туттарар ыалга көмө харчы хас биирдиилэригэр чопчу тиийэригэр анаан саҥа этиилэри киллэрдибит.

Ол курдук, үүт туттарыытыгар тэрээһиннээх хаһаайыстыба уонна кэтэх ыал үүтүттэн тутулуга суох улуус бүддьүөтүттэн 1 лиитэрэ үүккэ 15 солкуобайы көрөр буоллубут. Үүт оҥорон таһаарааччыларга тэрээһиннээх хаһаайыстыбаттан уонна чааһынай ыалтан тутулуга суох 1 лиитэрэ үүтү 15 солкуобайга тутарыгар этии киллэрдибит.

Чааһынай ыал уонна үүт оҥорон таһаарааччы икки өттүттэн сөбүлэҥ түһэрсэн, сүөһү төбөтүгэр 39 тыһыынча солкуобайы ылбыт чааһынай ыал үүт туттардаҕына уопсайа 1 лиитэрэ үүккэ 30 солкуобайы ылар кыахтаныаҕа.

Онтон тэриллиилээх хаһаайыстыбалар 1 лиитэрэ үүккэ судаарыстыбаттан 65 солкуобайы ылар буоллахтарына, билигин эбии 30 солкуобайы эптэхпитинэ, уопсай үүт туттарар харчылара 1 лиитэрэҕэ 95 солкуобайга тэҥнэһиэҕэ.

Бу үүт туттарааһыныгар ылыллыбыт саҥа механизмнар тыа хаһаайыстыбатыгар үлэлиир-хамныыр, ынаҕы-сүөһүнү иитээччилэргэ күүс-көмө буолуо. Хас биирдии улууска ынаҕы иитээччи, үүт туттарааччы үлэлээбит, үүт туттарбыт харчытын аахсан, сөптөөхтүк ыллаҕына, үлэтин түмүгэ сыаналаннаҕына тыа хаһаайыстыбата сайдыа, ынахтаах ыал элбиэ.

Салгыы үүт тутааһынын сайыннаран, саҥардан, тыа хаһаайыстыбатын өрө көтөхтөхпүтүнэ үүттэн оҥоһуллан тахсар бэйэ бородууксуйата элбиэ диэн эрэллээхпин, диэн кэпсээтэ баһылык.

Следите за самым важным и интересным в Telegram-канале и WhatsApp-группе ЯСИА