Үөһээ Бүлүү улууһун баһылыгын социальнай хайысхаҕа уонна дьиэ кэргэн бэлиитикэтигэр солбуйааччы Анна Уларова салайыылаах Өргүөт, Быракаан нэһилиэктэринэн «Социальный десант» ыытылынна. Улуус социальнай хайысхалаах тэрилтэлэрин салайааччылара, исписэлиистэрэ олохтоох нэһилиэнньэни кытта көрсөн үлэлээтилэр.
Пенсионнай уонна страховой пуонда салайааччыта Альбина Николаева пенсияҕа тахсаары сылдьар олохтоохтортон эрдэттэн сайаапка хомуйда, ыйытыыларга хоруйдаата, сүбэлэри биэрдэ.
Нэһилиэнньэ дьарыктаах буолуутун киинин исписэлииһэ Е.В. Иванова учуокка турар дьону кытта үлэлэстэ.
Социальнай көмүскэл уонна үлэҕэ социальнай сайдыыга управлениетын салайааччыта Е.В. Николаева, исписэлиис М.И. Роменская социальнай патронажка ыалларынан сырыттылар уонна 2022-23 сс. социальнай хантараак ылбыт олохтоохтору кытта көрсөн, хайдах тэринэн үлэлии олороллорун билистилэр.
Анна Михайловна социальнай эбийиэктэри кэрийэн көрдө уонна тэрилтэ салайааччыларын кытта көрсөн үлэ кэпсэтиитин ыытта.
МФЦ исписэлииһэ К.В. ЕгороваӨргүөт нэһилиэгэр 12 киһиэхэ, Быракаан нэһилиэгэр 2 киһиэхэ консультация биэрдэ, докумуон оҥотторон баран ылбакка сылдьар дьоҥҥо докумуоннарын бэлэмнээн туттарда.
«Социальнай десант» уопсайа 8 нэһилиэккэ сырытта. Салгыы нэдиэлэҕэ иккилии нэһилиэктэри таарыйан үлэлиирэ былааннанар, суруйда Үөһээ Бүлүү улууһун дьаһалтатын пресс-сулууспата.
