Үөһээ Бүлүү улууһун Нам нэһилиэгэр тыа хаһаайыстыбатын биир бастыҥ тэрилтэтэ – СХПК «Сайдыы» кээпэрэтиипкэ оройуон баһылыга Валерий Николаев үлэни билистэ.
Бу тэрилтэ былырыын Исидор Барахов аатынан урукку холкуос баазатыгар саҥа тыыны киллэрэн, үлэтин саҕалаабыта. Улуус көмөтүнэн, «Кыра кыамталаах хотоннору тутуу уонна саҥардыы» бырагырааманан үбүлээһини ситиһэн, урукку хотону саҥардан, бастакы кыстыктарын ситиһиилээхтик туораатылар.
Бүгүҥҥү күҥҥэ хаһаайыстыба үлэтэ-хамнаһа кэҥээн, 137 ыанар ынахтан 120-тэ төрөөн, күн аайы 2 тонна үүтү ыан, улууспут олохтоохторун аһынан-үөлүнэн хааччыйыыга бэйэтин кылаатын киллэрэ олорор.
Өрөспүүбүлүкэтээҕи «Сүөһү аһылыгын хааччыйыы» (Кормопроизводство) бырагыраама чэрчитинэн, хаһаайыстыба быйыл аһылык базатын бөҕөргөтүнэргэ саҥа тиэхиньикэлэри, ол иһигэр МТЗ 1221.3 тыраахтыры, буору-сири оҥорор тэриллэри уонна уопсайа 22,3 туонна араас көрүҥнээх сиэмэни атыыласта.
Былырыын саҕаламмыт 25 км уһуннаах күрүө-хаһаа быйыл ситэн, үлэ-хамнас тэтимэ күүһүрдэ. Манан тохтообокко, «Сайдыы» кээпэрэтиип федеральнай таһымҥа тахсан, «Бааһыналары сөргүтүү» бырагыраамаҕа кыттар былааннаах. «Ходоо» учаастагар 94,07 гектар иэннээх 6 бааһынаны сөргүтэргэ смета оҥоһулла сылдьар.
Хаһаайыстыба үлэһиттэрэ күүстээх үлэ үөһүгэр сылдьаллар: былааннаммыт 300 гектар сир барыта хорутуллан бүппүт, онтон 183 гектарыгар номнуо ыһыы үлэтэ ыытыллыбыт.
«Сайдыы» хаһаайыстыба салайааччытын уонна үлэһиттэрин бу курдук күүстээх, сыралаах үлэлэрин иһин дириҥ махталбын тиэрдэбин. Маннык тэрилтэлэр – биһиги улууспут экэниэмикэтин бигэ тирэҕэ, аһынан-үөлүнэн хааччыллыытын мэктиэтэ, дижн суруйда Үөһээ Бүлүү улууһун баһылыгын МАХ-ханаала.
