28 Бэс ыйа 28.06
  • -7°
  • $ 104,68
  • 115,6

Үөһээ Бүлүүгэ буолбут Олоҥхо ыһыаҕа Ньурба дьонугар үрдүк ситиһиилэри анаата

Оһуокайга эдэр ыччакка Марфа Платонова 5000 солк суумалаах сертификатынан наҕараадаланна. Дмитрий Слепцов С.Д. Долгунов аатынан 15 000 солк анал бирииһинэн уонна А.Т. Титаров аатынан анал бирииһи Чороону тутан үөрдэ-көттө. Эдэр ыччакка Кылаан Кыайыылааҕынан Прокопий Федоров буолла уонна 100 000 солк сертификатынан наҕараадаланна.

Тимир уустарын күрэҕэр «Кылаан чыпчаал» үрдүк аатын уонна 50 000 сууммалаах сертификаты Сата Уустарын утумнаах ууһа Ариан Афанасьев ылла.

«Бастыҥ болгуо батыйа» анал ааты Александр Баишев, «Бастыҥ болгуо кыптыый» көрүҥҥэ 3 үрдэл хаһаайына Александр Баишев, «Бастыҥ болгуо хомус» көрүҥҥэ 3 үрдэл Ариан Афанасьев, «Бастыҥ болгуо кыптыый» 1 үрдэл Ариан Афанасьев, «Бастыҥ болгуо быһах» көрүҥҥэ 2 үрдэл хаһаайына Иван Саввинов.

36-60 сааһыгар диэри оһуокайга В.Е.Сухаринова 2 миэстэни ылла уонна 35 000 солк суумалаах сертификатынан наҕараадаланна.

«Оһуокай түһүлгэтин үйэлээх этээччитэ» анал ааты 80-тан үөһэ саастаах аҕам саастаах ытык дьоммутугар Васильева Ирина Семеновнаҕа уонна Ушканов Иван Григорьевичка иҥэрдилэр уонна 25 000 солк суумалаах сертификаттары туттардылар.

Олоҥхоһуттарбытыгар Ийэ олоҥхоһут В.И. Ивановка-Чиллэ Баһылайга уонна А.В. Догуеваҕа Анал Ааттары анаатылар.

Антоновка олоҥхоһут оҕолоро 3 миэстэ буоллулар. «Чуораанчык» бөлөх 35 000 солк суумалаах сертификатынан наҕараадаланна. Кирилл Тимофеев олоҥхоҕо 3 000 солк сертификаты ылла.

«Дьөҥкүүдэ кыталыктара» Виолетта Иванова оһуокайга оҕолорго Е.Е. Васильев аатынан анал бирииһи 5000 солк сертификаты уонна олоҥхоҕо 3000 ссолк сертификаты тутта. Камелия Яковлева оҕо оһуокайыгар анал бирииһинэн 9 000 уу харчынан наҕараадаланна. Люлитта Слепцова анал бириис 10 000 солк ылла. Жданова Анжелина анал бириис 5 000 солк наҕараадаланна. Лира Гуляева анал бирииһинэн наҕараадаланна.

Тойукка А.В. Догуева 3 миэстэ буолла уонна 30 000 солк сертификатынан наҕараадаланна. Муся Платонова анал аакка тигистэ уонна 3 000 солк сертификатынан наҕараадаланна.

Чабырҕах күрэҕэр «Дьөҥкүүдэ кыталыктара» оҕо норуодунай фольклор ансаамбыла бөлөҕүнэн анал ааты уонна 5000 солк суумалаах сертификаты тутта.

Ньурба куоратыттан Камилла Васильева оһуокайга анал ааты ылары уонна 5000 солк сертификатынан наҕараадаланары ситистэ.

Мастан кыһан оҥоһукка СӨ норуотун маастардара Саввинов В.И. уонна Иванов Е.И. анал ааты ыллылар.

Кыбытык тигиигэ «Арыллыы» түмсүү анал ааты ылла.

Саха таҥаһын көрүү күрэҕэр Трофимова Н.Ф., Алексеева М.Н., Харитонова С.М. анал ааттарга тигистилэр уонна 5000 солк сертификаттарынан наҕараадаланнылар.

Дэгэрэҥ ырыа күрэҕэр «Дэгэрэҥ ырыаны кэскиллээччи» анал ааты «Алгыс» түмсүү Антоновкаттан ылла.

Үөһээ Бүлүү ытык сиригэр истиҥник махтанабыт! Аныгыскы Олоҥхо ыһыаҕар көрсүөххэ диэри!, суруйда «Ньурба» хаһыат телеграм-ханаала.

Следите за самым важным и интересным в Telegram-канале и WhatsApp-группе ЯСИА
0
0