22 От ыйа 22.07
  • 15°
  • $ 88,02
  • 96,04

Үөһээ Бүлүү Үөдүгэй нэһилиэгин олохтооҕо 10 оту туруорда

Субудай Чоросов хаартыскаҕа түһэриилэрэ
Читайте нас на
Яндекс Новости
ЯДВ

Кэтэх хаһаайыстыбалаах Үөдүгэй нэһилиэгин олохтооҕо Субудай Чоросов дьиэ кэргэнинээн 10 оту туруордулар, бу туһунан Үөһээ Бүлүү телеграм-ханаала суруйар.

— Быйакы күөлүгэр аҥаар аҥаарга оттоон 2 оту ыллыбыт. Салааһын сирин хаһаайыттарыттан уларсык ылан 3 оттоннубут, Чүүккэ 4 улахан уонна 1 кыра оту туруордубут. Сирбит улахан аҥаара ууга барбыта, ол уута түһэрин кэтэһэр кэммитигэр, санаабытын түһэрбэккэ, дьон сиригэр бырыһыаҥҥа оттоотубут. Аймаҕынан көмөлөөн оттуубут, үс улахан киһини кытта оскуолаҕа үөрэнэр оҕолор, бырааттарбыт сылдьыһаллар. Быйыл от үүнүүтэ үчүгэй, күбуйаас күннэри баттаһа оттоон оппутун ардахха баттаппатыбыт, — диэн Субудай Едюгеевич кэпсээтэ.

Эдэр ыал хаһаайыстыбатыгар икки ыанар ынаҕы, 2 тарбыйаҕы, 4 субай сүөһүнү көрөллөрүн таһынан, 9 төбө сылгыны туталлар.

«Үөһээ Бүлүү» хаһыат

Следите за самым важным и интересным в Telegram-канале и WhatsApp-группе ЯСИА