30 Кулун тутар 30.03
  • -16°
  • $ 92,37
  • 99,53

Эдэр учуонайдарга икки сыл устата мөлүйүөннүүнү төлүөхтэрэ

Читайте нас на
Яндекс Новости
ЯДВ

Арассыыйа наукаҕа уонна үрдүк үөрэххэ министиэристибэтин куонкурустарыгар кыайбыт 40-гар диэри саастаах учуонайдарга икки сыл устата биирдии мөлүйүөнү төлүөхтэрэ. Уураах алтынньы 26 күнүттэн күүһүгэр киирдэ диэн министиэристибэ саайтыгар суруллар.


Саҥа уураахха олоҕуран, граны чинчийиинэн дьарыктанар наука тэрилтэлэрин уонна үрдүк үөрэх кыһаларын эдэр устудьуоннара ылар кыахтаахтар. Үп 35-гэр диэри саастаах наука кандидаттарыгар, 40-гар диэри саастаах дуоктардарга чинчийии ыыталларыгар көрүллэр.

ХИФУ наукаҕа уонна инновацияҕа проректорын солбуйааччы Нинель Малышева иһитиннэрбитинэн, университет устудьуоннара уонна аспираннара дойду таһымыгар ыытыллар грант куонкурустарыгар үгүстүк кыайаллар. Былырыын “Мин бастакы граным” куонкуруска университет наукаҕа кэлэктииптэрэ естственнэй, гуманитарнай уопсастыбаннай билим кыһалҕаларыгар тус үлэҕэ 12 граны сүүйбүттэрин холобурдуохха сөп.

“Судаарыстыба науканы өйөөбөт диэн толкуй, мин санаабар, сыыһа, балачча элбэх грант ыытыллар, үбүнэн көмөнү ылар кыах мэлдьи баар. Ити граннар науканан өссө дириҥэтэн дьарыктанарга көҕүлүүллэр, ону тэҥэ хамнас үрдүү турар”, — диэн ХИФУ математикаҕа уонна информатикаҕа институтун вычислительнай технологияҕа научнай-чинчийэр кафедратын дассыана Александр Григорьев санаатын үллэстэр.

Кини Арассыыйатааҕы наука фондатын гранын сүүйбүтэ. Бырайыага араас уулаах тутуулары ыытыыга кырыс буору оннунан хааларын ситиһэргэ көмөлөһөр кыахтаах вычислительнай алгоритмнары оҥорууга туһаайыллар, диэн кэпсиир Пелагея Чердонова, ХИФУ пресс сулууспата.

edersaas.ru 

Следите за самым важным и интересным в Telegram-канале и WhatsApp-группе ЯСИА