Сэттэ улуус уонна Дьокуускай куорат олохтоохторо оскуола иннинээҕи саастаах оҕолорго тэрилтэ өҥөтүн иһин Сбербаан Онлайн-бырагырааматын туһаналлар. Дистанционнай төлөбүр бырайыагар эбии түөрт улуус кыттыһар, баан пресс-сулууспата иһитиннэрэр.
Үөһээ Бүлүү, Дьааҥы, Нам, Хаҥалас, Нерюнгри уонна Мииринэй оройуоттарын уонна Дьокуускай олохтоохторо дьыссаат өҥөтүн иһин төлөбүрдэрин оҥорууга Сбербаан сервиһын туһаналлар. Сотору кэминэн кинилэргэ Булуҥ, Мэҥэ Хаҥалас, Эдьигээн, Өлүөхүмэ кыттыһыахтара.
Сбербаан бүгүҥҥү күҥҥэ 132 дуогабары оскуола иннинээҕи саастаах оҕолор тэрилтэлэрин кытта түһэристэ. Ол иһигэр Дьокуускайга — 47.
2020 сыл тохсунньутуттан 129 тыһ тахса төлөбүр оҥоһуллубут, уопсай суумата — 281 мөл солк, ол иһигэр мобильнай сыһыарыынан — 111 тыһ төлөбүр, уопсай суумата — 238 мөл солк. Былырыыҥҥы көрдөрүүнү кытта тэҥнээтэххэ, 8,3% үрдүк.
«Өҥө иһин дистанционнай төлөбүр ордук кыһыҥҥы өттүгэр туһалааҕа бэлиэтэнэр, салгын температура -50 кыраадыс буоллаҕына», — диир Сбербаан Саха сиринээҕи салаатын управляющайын солбуйааччыта Николай Иванчиков.
