22 От ыйа 22.07
  • 30°
  • $ 88,02
  • 96,04

Эбээн-Бытантай эдэр чинчийээччилэрэ Арассыыйатааҕы «Наукаҕа бастакы хардыыларга» ситиһиилэннилэр

15:01, 19 апреля 2022
Текст:
Читайте нас на
Яндекс Новости
ЯДВ

«Наукаҕа бастакы хардыылар» Арассыыйатааҕы оҕо научнай-чинчийэр уонна айар үлэлэрин күрэхтэһиилэрэ Москуба куоракка XXIX төгүлүн ыытылынна. Эбээн-Бытантай улууһун оҕолорун чинчийиилэрин дьүүллүүр сүбэ биһирээтэ.

Арассыыйа таһымнаах конференция «ИНТЕГРАЦИЯ» дойдубут эдэр ыччатын научнай, творческай, инновационнай сайдыытын национальнай систиэмэтин көҕүлээһининэн ыытыллар.

Кэтэхтэн сүүмэрдээһини ааһан, бастыҥтан бастыҥнар истэригэр киирэн, Эбээн-Бытантай улууһун эдэр чинчийээччилэрэ Алгыстаана Горохова уонна Галина Корнилова бу тэрээһиҥҥэ кыттыыны ылан, улууспут аатын ааттаттылар.

Саккырыыр орто оскуолатын 6 кылааһын үөрэнээччитэ Алгыстаана Горохова «География» секцияҕа Никитин Николай Николаевич, Карманова Мария Сергеевна салайааччылардаах «Мониторинг наледей Эвено-Бытантайского улуса методом аэрокосмического снимка» тиэмэнэн I степэннээх дипломунан наҕараадаланна.

Саккырыыр орто оскуолатын 5 кылааһын үөрэнээччитэ Галина Корнилова «Культурное наследие и современное искусство» секцияҕа «Применение суставных костей ног оленя в современной жизни, на примере Тюгясирского наслега Эвено-Бытантайского улуса» тиэмэнэн, Маргарита Николаевна Слепцова, Мария Александровна Корнилова салайааччылардаах муҥутуур кыайыылаах дипломун ылла. Ону тэҥэ «Первые шаги в науке» туйгуна анал бэлиэнэн наҕараадаланна.

Салайааччыларга кыайыылаахтары бэлэмнээбиттэрин иһин дипломнары туттардылар уонна Мария Александровна Корнилованы туйгун «Наставник» анал бэлиэнэн наҕараадалаатылар.

«Кулун тутар ый саҥатыгар Саха Өрөспүүбүлүкэтин билимин аччыгый академиятыттан «Шаг в будущее» — Инникигэ хардыы» конференция өрөспүүбүлүкэтээҕи түһүмэҕэр кыттыбыт оҕолоргутун бүтүн Арассыыйатааҕы научнай конференциялар сүүмэрдиир түһүмэхтэригэр кытыннарыҥ диэн кэккэ конференциялар сигэлэрин ыыппыттара.

Сүүмэрдээһин түһүмэҕин аастахтарына хотугу улуус оҕолорун айаннарын төлөбүрүн үөрэх министиэристибэтэ уйунар диэбиттэрэ. Онон оскуолалары кытта тутатына кэпсэтэн барыллаан испииһэк хомуйан ыыппыппыт. Ол кэннэ оҕолор сайтка регистрацияланан, үлэлэрин уган сайаапка ыытыахтаахтара.

Галя уонна Алгыстаана «Первые шаги в науке» научнай конференция кэтэхтэн туурун ааһан, ыҥырыы тутан, муус устар 13-14 күнүгэр Москваҕа тиийэн кытыннылар», — диэн Саха Өрөспүүбүлүкэтин билимин аччыгый академиятын региональнай салаатын координатора Маргарита Николаевна Слепцова кэпсээтэ.

Ааптар: «Бытантай уоттара» хаһыат, Эбээн-Бытантай улууһа

Следите за самым важным и интересным в Telegram-канале и WhatsApp-группе ЯСИА