2022 сылга бастакы оҕоҕо ийэ хапытаалын кээмэйэ 20 тыһыынчанан үрдээн, 503,2 тыһ солкуобайга тэҥнэһиэ. Бу туһунан дойду үлэҕэ миниистирэ Антон Котяков РИА «Новостига» иһитиннэрбит. Иккис оҕоҕо төлөбүр 665 тыһ солкуобай буолуо, диэбит миниистир.
Билигин бастакы оҕоҕо ийэ хапытаала 483,8 тыһ солкуобайга, иккис оҕоҕо 639,4 тыһ солкуобайга тэҥнэһэр.
«Пенсионнай пуонда бүддьүөтүн бырайыагар ийэ хапытаалын индексациялааһын көрүллэн сылдьар», — диир миниистир.
