29 Сэтинньи 29.11
  • -33°
  • $ 60,75
  • 63,3

Дзюдоҕа Арассыыйа юниордарга күрэхтэһиитигэр Саха сириттэн үс спортсмен кыттыаҕа

15:05, 21 ноября

Дзюдоҕа Арассыыйа юниоррдарга күрэхтэһиитэ сэтинньи 21 күнүгэр Красноярскайга ыытыллар. Саха сириттэн үс спортсмен кыргыттар татамига тахсарга бэлэмнэнэллэр, кинилэр ортолоругар былырыыҥҥы кыһыл көмүс мэтээл хаһаайына Карина Ефимова баар диэн СИА иһитиннэрэр.

Турнир 600 кэриҥэ спортсмены түмтэ. 44 кг диэри ыйааһыҥҥа 21 спортсмен кыттыаҕа, бу ыйааһыҥҥа Саха сириттэн 2021 сыллааҕы күрэхтэһии вице-чемпионката Сайыына Петрова кыттыаҕа. Кини былырыыҥҥы түмүгүн тупсарар туһугар бастакы күн тустуоҕа.

Иккис күн Дьокуускайтан сылдьар Карина Ефимова чемпион аатын көмүскүөҕэ.  Кини 52 киилэҕэ диэри ыйааһыҥҥа кыттар, манна барыта 36 дзюдоист күөн көрсүөҕэ.

Оттон 78 кг диэри ыйааһыҥҥа Саха сириттэн, Европа кубогын кыттыылааҕа Полина Иудина сэтинньи 24 күнүгэр киирсиэҕэ. Кини ыйааһыныгар 27 утарсааччылаах. Арассыыйа дзюдоҕа күрэхтэһиитин федерация ютуб-ханаалыгар көрүөххэ сөп.

Следите за самым важным и интересным в Telegram-канале и WhatsApp-группе ЯСИА
0
0