18 Ыам ыйа 18.05
  • -7°
  • $ 104,68
  • 115,6

Дулҕалаах өрүс биэрэгин бөҕөргөтүөхтэрэ

10:32, 08 июля 2021
Текст:

Бырабыыталыстыба бэрэссэдээтэлэ Андрей Тарасенко Дьааҥы улууһун Суордаах нэһилиэгэр үлэлээтэ. Кини Дулҕалаах өрүс биэрэгин туругун көрдө, нэһилиэнньэни кытары көрүстэ.


Улуус баһылыга Гаврил Чириков суулла турар өрүс биэрэгэр алта ыал дьиэтэ ыкса турарын иһитиннэрдэ. Биир дьиэ 2011 сыллаахха халаантан эмсэҕэлээбит. Баһылык биэрэк устун барыта 29 дьиэ баарын онно 80 киһи олорорун эттэ.

Андрей Тарасенко биэрэги бөҕөргөтөргө өрүс сүнньүн көннөрөр үлэ барыан эттэ. Навигация бүттэҕинэ өрүс түгэҕин дириҥэтэр тиэхиньикэ тиийиэ, диэтэ кини.

Премьер нэһилиэккэ сырыытын кэмигэр улуус нэһилиэктэригэр хочуолунайдары тутуу туһунан кэпсэттэ. Олорор дьиэлэри киин ититэр систиэмэҕэ холбуурга Бөтөҥкөс, Суорадаах, Томтор, Хайыһардаах нэһилиэктэригэр саҥа хочуолунайдар тутуллуохтаахтар.

Олохтоохтор үөрэх тэрилтэлэрин эбийиэктэрин тупсарыы, кэтэх хаһаайыстыбалары өйөөһүн, бэтэринээринэй сулууспа үлэтин итиэннэ култуурунай-спортивнай киин тутуутун ыйыталастылар.

Билиҥҥитэ Киин бырайыага бэлэм, госэкспертизаны ааспыт. Билигин бырайыак «Култуура» национальнай бырайыакка киирээри федеральнай куонкуруска кыттар. Түмүк бу сыл алтынньытыгар биллиэ.

Следите за самым важным и интересным в Telegram-канале и WhatsApp-группе ЯСИА
0
0