18 От ыйа 18.07
  • 17°
  • $ 88,09
  • 96,3

Доруобуйатынан хааччахтаах оҕолоох төрөппүккэ 24 хонуктаах эбии уоппуска бэриллиэҕэ

Читайте нас на
Яндекс Новости
ЯДВ

Маннык сокуон барыла Судаарыстыбаннай Дуумаҕа киллэрилиннэ уонна сокуону оҥорууну хааччыйар ситимҥэ таһаарылынна.

Билиҥҥи сокуон быһыытынан, доруобуйатнан хааччахтаах оҕолоох ыалга, төрөппүттэртэн биирдэстэригэр инбэлиит оҕотун көрөрүгэр анаан ый ахсын түөрт өрөбүл күн бэриллэр.

– Үлэ Кодексын 262-с ыстатыйатын чопчулаан, инбэлиит оҕолоох төрөппүккэ (эпэкииҥҥэ, бэбичиитэлгэ) туһамматах өрөбүллэрин киллэрэн, сылга биирдэ 24 хонуктаах, төлөнөр эбии өрөбүлү биэрэр ордук көдьүүстээх, – диэн этиллэр быһаарар суруйууга.

Киллэриллэр көннөрүү инбэлиит оҕолоох төрөппүт туһамматах өрөбүллэрин мунньан, толору уоппусканы – 24 хонуктаах өрөбүлү ылар кыаҕы биэрэр. Өрөбүлү сылга биирдэ уонна элбэх хонукка ылыы төрөппүт инбэлиит оҕотун доруобуйатын чөлүгэр түһэрэр дьарыктары тэрийэригэр олус көмөлөөх, ону таһынан социальнай көмүскэл ситимин сайдыытыгар тирэх буолуоҕа. Сокуон 2023 сыл тохсунньу 1 күнүттэн олоххо киллэриллэрэ барылланар. Бу туһунан Судаарыстыбаннай Дуума саайта иһитиннэрэр.

Бэлэмнээтэ Сэмэн Жендринскэй
Саҥа олох

Следите за самым важным и интересным в Telegram-канале и WhatsApp-группе ЯСИА